Mon compte
Mon compte
Mon emploi+ Mon journal+ Mes favoris+ Ma boutique+
RETROUVEZ RDM SUR

Cliquez sur un point pour voir toutes les infos
géolocalisées des Réunionnais du monde

VOTRE JOURNAL

VOTRE JOURNAL THEMATIQUE

Accueil > Journal > Articles membres > Le YAB

Le YAB


Kissa mi lé ? In métis’ kamouflé In kaméléon dépigmenté In marmite feu’d’bwa suifé en dedan, prop deor... Voici un petit texte écrit en vite fait comme on dit, suite à une discussion sur la place du Yab dans la société réunionnaise. En fait c’est quoi un Yab ? mwin lé yab mais définir c’est quoi exactement... c’est en rentrant en vacances sur mon île que ce questionnement est né.


JPEG - 9.7 ko

Lo YAB

Kissa mi lé ?
Qui suis-je ?
Oussa mi sorte ?
D’où je viens ?
Mwin lé blan ou Mi lé nwar ?
Africain ou Européen ?
Dominant ou dominé ?
Colon ou esclave ?

Na do moun i di Le Yab lé in zespri zesklav dann in kor kolon

Kissa mi lé ?

20 désemb la mon nésens ou mon mor ?

Oussa mi sorte ?

Mon kor déparayé
Somise kravate dann kolé
Ek la sène dann pié

Na do moun i di
Le Yab lu mars su in fisèl mèg
Tensyon lu sap koté blan
Tensyon lu sap koté nwar

Mon Cheveu en touffe touffe dann la France i renn a mwin nwar
Mon Cheveu en touffe touffe dann mon l’ile i renn à mwin blan

Souven défwa i pren a mwin po un zarab
Selon mon figur lé farlangué i di mwin lé chinwa

Mwin lé tout’ sauf mwin mim’

Alors’

Kissa mi lé ?

Ou alors’

Kossa mi lé ?

Lo nwar, lo kaf
Lu koné lu
Lé ekri dsu lu

Lu ve lu ve pa
Lé marké dsu lu

Lo zorey
Lu ve lu ve pa
Lé marké dsu lu
Lu koné osi lu

Mé le YAB

Tank lu ouv pa sa bouche
Tank lu koz pa
Tank lu sant’ pa
Nou koné pa

Lu lé kom in zorey
Mé pa toutafé

Lu koz kom in kaf
Mé pa toutafé

Lu lé in sokola blan
In mélanz kakao brut i pous tou seul kom zerb
Ek in lait vache byin sonyé dann in létab mékanizé

Dann tan la fin lesklavage
Bann propriétèr blan navé pu zesklav po okupe zot tèr
Zot té obligé vend’
Allé dann lé hauts achète zust in to morso ke zot noré gyngn okupé

Aster

Oussa nou trouv lo plis Yab ?

Parlfèt

Propriétèr mon papa

Kissa mon momom ?

Zespri zesklav dann in kor Kolon

Oussa i sort mon zespri ?

Propriétèr la
Souven défwa navé in famn zesklav nwar

Aster i dor pu ek son komod
Famn ek boug la té égal
Zot lé in Papa ek in Momom

Lo papa té donne la terre Té mont komen okupé

Lo momom té koz ek son zenfan Té okupe de son zenfan

Lo papa ek lo momom té égal
Mé té pa lo mim kultur

Lo Yab la gyngn lé deux
Le byin son papa, la kultur son momom
Le Koulèr son papa, le lang son momom
Le kor son papa, le zespri son momom

Kissa mi lé ?

In métis’ kamouflé
In kaméléon dépigmenté
In marmite feu’d’bwa suifé en dedan, prop deor
In pié d’bwa ver ek in sèv nwar.

Mon racine
i Plonge
i krez
i fouille

Mé li lé pa enkor kapab

Trouvé kossa i lé vrémen in Yab.

Daniel LEOCADIE
06/09/12
Dann son loto


Lire aussi :
- Monmon la mer
- TEAT’ : Pokoué mon bous i rouve ?

COMMENT ÇA MARCHE ?

› des centaines d’offres d’emplois et de stages mises à jour au quotidien


› une cvthèque, des milliers de candidats


› des modules exclusifs de recrutement : alertes annonces & alertes profils


› créer des alertes mails en choisissant ses critères (cliquer à droite)


Compléter son CV - Publier une offre

VOTRE EMPLOI EN 1 CLIC !
7186 offres d'emploi actuellement
ILS NOUS FONT CONFIANCE
Boutik