TEAT’ : Pokoué mon bous i rouve ?
Publié le 11 novembre 2012
In ti modekri su sak mi fé, téat, é su sak i pous’ a mwin a fèr sa !
- TEAT’ : Pokoué mon bous i rouve ?
Mwin né na envi dir in afèr
Mi pe ?
Cé tèt pa le momen
Ni lendrwa
Vendredi swar na do moun va nir
Po akout a mwin
Sam’di swar na do moun va payé
Po nir akout a mwin
Do moun là
La soizi nir akout a mwin
Mé mwin
Cé aster mwin la bezwin’ dir
Mi dwa dir in afèr mintnan
Pa vendredi swar
Pa dann in swaré organizé, aranzé
Pa oussa do moun i soizi dakouté
Pa oussa mi prépar a mwin po dir
Non.
Mwin na in afèr po dir mintnan
Mi dwa dir mintnan
Lé urzent
I concern zot tout’
Zot I dwa akouté
Sak mwin na pou dir
Cé pa un swa
Sak mwin na pou dir
Lé kom
Manzé
Bwar
Sak mwin na pou dir
Cé in bezwin
Manzé bwar dir
Mon bezwin
Aster
Mwin la di
Mi pe dormi.
Daniel LEOCADIE
Lire aussi :
- Le Yab
- Monmon la mer