Publicité

Monmon la mer

Publié le 11 novembre 2012

Ferme lo zié, akout à li zust sobat kont’ le bor la Reynion.

Monmon la mer

Mi asiz in bout’
Le ven i lèv
Lodèr la briz
I lans lo rêv

Monmon la mer
Y’entour a mwin
Papa la tèr
I rouv son main

Son zié blé
I fé plonz a ou
Son ti gou salé
I rapèl a ou

In rougay la mory
In rougay la mory

Mové li lé parfwa

Déga touzour li fera

Mé son lékime
Va touzour karès

Rebor la sab

Ek la tendrès

A la li appel a mwin
Mouy mon kolé
Mi suiv son somin

Kan Baba Soley
Va rent’ dormi

Ma kit mon dézièm peau
Ma kit mon dézièm li

Son zié blé
I fé plonz a ou
Son ti gou salé
I rapèl ou

In rougay la mory
In rougay la mory

Daniel Léocadie


Lire aussi :
Le Yab
TEAT’ : Pokoué mon bous i rouve ?

Publicité